წარმომადგენლობითი საბჭოს სხდომა N7
დ ღ ი ს წ ე ს რ ი გ ი:
1. სტუ-ს წესდების დამტკიცება (მომხსენებელი წარმომადგენლობითი საბჭოს საპროცედურო საკითხთა შემსწავლელი და შემმუშავებელი მუდმივმოქმედი კომისიის თავმჯდომარე პროფესორი ირაკლი ზედგენიძე);
2. იჯარით გასაცემი ტერიტორიების ნუსხის დამტკიცება (მომხსენებელი სტუ-ს ადმინისტრაციის ხელმძღვანელი პროფ. ქეთი ქოქრაშვილი);
3. მიმდინარე საკითხები.
წარმომადგენლობითი საბჭოს სხდომა N 7 ჩატარდება
2007 წლის 23 მაისს, 11 საათზე
სტუ-ს ადმინისტრაციული კორპუსის მცირე სააქტო დარბაზში
საქართველოს ტექნიკური უნივერსიტეტის წარმომადგენლობითი საბჭოს
2007 წლის 23 მაისის სხდომის ოქმი N7
წარმომადგენლობითი საბჭოს სხდომას სიითი შემადგენლობის 72 წევრიდან ესწრებოდა 57. სხდომას უძღვებოდა სტუ-ს წარმომადგენლობითი საბჭოს სპიკერი პროფესორი ეკატერინე თევზაძე.
სხდომის თავმჯდომარემ საბჭოს წევრებს გააცნო დღის წესრიგი (იხ. დანართი) და დააყენა საკითხი დღის წესრიგით გათვალისწინებული მეორე საკითხის (იჯარით გასაცემი ტერიტორიების ნუსხის დამტკიცება) პირველ საკითხად გადმოტანის თაობაზე.
საბჭომ ერთხმად დაუჭირა მხარი დღის წესრიგის შემოთავაზებულ ვარიანტს, რის შემდეგაც სპიკერმა სიტყვა გადასცა სტუ-ს ადმინისტრაციის ხელმძღვანელს პროფ. ქეთი ქოქრაშვილს.
პროფ. ქეთი ქოქრაშვილი - ჩვენს მიერ წინა სხდომაზე გამოტანილ იქნა იჯარით გასაცემი ობიექტების ნუსხა და განხილული იქნა 13 ობიექტი. განათლების სამინისტროსაგან რიგ ობიექტებზე მივიღეთ თანხმობა.Eდღეს წარმოდგენილია 5 ობიექტი (იხ დანართი). აქედან ერთ-ერთ ობიექტთან მიმართებაში, კერძოდ, საუბარია მე-5 ობიექტზე, საფინანსო-ეკონომიკური საკითხების შემსწავლელ კომისიას ჰქონდა თავისი მოსაზრება, კომისიის წევრებმა თავი შეიკავეს ამ ობიექტის საიჯარო ნუსხაში შეტანის თაობაზე. განვიხილოთ ეს ობიექტები ცალ-ცალკე.
პროფ. ქეთი ქოქრაშვილმა ჩამოთვალა ყველა ობიექტი, მიუთითა სად მდებარეობს თითოეული მათგანი და განმარტა თუ რა მდგომარეობაშია დღესდღეობით ისინი.
Pპროფ. დემურ დანელია - მასალათა გამძლეობის კათედრის გასწვრივ იყო რესტორანი ,,ორიენტი», რა ბედი ეწია იმ ტერიტორიას?”
Pპროფ. ქეთი ქოქრაშვილი - ეს ტერიტორია ადრე ჩვენთვის უზურფრუქტით არ იყო გადმოცემული. Dდღესდღეობით ის ჩვენ გვეკუთვნის, მაგრამ ნაქირავები აქვს ფირმა ,,კენგურუს”. ისინი წარმოგვიდგენენ თავიანთ პირობებს, ჩვენ განვიხილავთ და თუ მისაღები იქნება, მთელი მოგება შემოვა უნივერსიტეტის ბიუჯეტში.
პროფ. დავით ჯაფარაძე - თქვენს მიერ წარმოდგენილი ფასები ძალიან დაბალია. ინსტიტუტს ისედაც მცირე შემოსავალი აქვს. ქალაქში 1 კვადრატული მეტრი 20-30 § ღირს.”
პროფ. ქეთი ქოქრაშვილი - ჩვენ წინა სხდომაზე წარმოვადგინეთ ერთ-ერთი ობიექტი, რომლის საწყისი გასაიჯარებელი თანხა იყო 5600 §-ის ექვივალენტი, ამ ფონზე 40000§-ზე აწევა შეუძლებელია, როცა დამქირავებელი იგივეა. ახლა წარმოდგენილი ობიექტები ნაკლები ფასებით იმიტომ არის მოცემული, რომ ისინი მოუხერხებელ ადგილას მდებარეობენ. ყველა ფართი სრულად არის შესაბამისობაში კანონმდებლობასთან და გარდა ამისა, როცა გამოვაცხადებთ კონკურსს, შესაძლოა, თანხები გავზარდოთ კიდეც.
პროფ სერგო დათუნაშვილი - აღნიშნულ ხელშეკრულებებში მოიჯარეს თუ შეიძლება ჰყავდეს ქვემოიჯარე?
პროფ. ქეთი ქოქრაშვილი - ჩვენ ვდებთ ხელშეკრულებას მოიჯარესთან და თუ მას სურვილი აქვს შეიძლება ჰყავდეს ქვემოიჯარე.
პროფ. მარინა ქურდაძე - VIII კორპუსში თუ შეიძლება დააკონკრეტოთ რა ფართებზეა საუბარი.
პროფ. ქეთი ქოქრაშვილი - ეს არის სარდაფი, რომლითაც სარგებლობდა აუდიოვიზუალური კათედრა (ჰუმანიტარული ფაკულტეტი), სადაც შემდეგ მოხდა ხანძარი და ეხლა საშინელ მდგომარეობაშია.
პროფ. ეკატერინე თევზაძე - კიდევ არის შეკითხვები? მაშინ კენჭი ვუყაროთ წარმოდგენილ ნუსხას მეხუთე ობიექტის გარეშე.
საბჭომ ხმათა უმრავლესობით დაამტკიცა აღნიშნული ოთხი ობიექტის იჯარით გაცემის საკითხი, თავი შეიკავა ორმა წევრმა (¹7 სხდომის გადაწყვეტილება ¹1).
პროფ. ქეთი ქოქრაშვილი - ვის რა მოსაზრება აქვს მე-5 ობიექტთან დაკავშირებით?
პროფ. დავით ჯაფარიძე - 20 კვადრატული მეტრი ფართის გაიჯარება ინსტიტუტის ბიუჯეტს ბევრს არაფერს მოუტანს.
პროფ. კარლო ღურწკაია - ვესტიბიულის ნაცვლად გამოვყოთ ერთი აუდიტორია, რათა პირველ კორპუსში იყო ბუფეტი.
პროფ. ქეთი ქოქრაშვილი - საკვების ობიექტად ჩვენ გვაქვს სასადილო, რომელიც შეიძლება კვლავ გავაქირაოთ, მაგრამ აუდიტორიის გამოყოფა არამართებულად მიმაჩნია, რადგან სააუდიტორიო ფონდიდან ვეღარ გამოვყოფთ ვერაფერს.
პროფ. მანანა მოისწრაფიშვილი - პირველ კორპუსში შეიძლება არასააუდიტორიო ფართის მოძებნა ბუფეტისათვის.
პროფ. ეკატერინე თევზაძე - ვუყაროთ კენჭი მე-5 ობიექტს, ისე როგორც წარმოგვიდგინა საბიუჯეტო კომისიამ, რომ აღნიშნული ფართი არ გაიცეს იჯარის სახით.
საბჭოს გადაწყვეტილებით ადმინისტრაციის ხელმძღვანელს უარი ეთქვა I კორპუსის ვესტიბიულის 20 კვ.მ.-ის გაიჯარების საკითხთან დაკავშირებით (¹7 სხდომის გადაწყვეტილება N2).
პროფ. დავით ჯაფარიძე - ჩვენ ვიღებთ გადაწყვეტილებებს, Eეს პროექტები უნდა მზადდებოდეს წინასწარ. რატომ არის კავკასიის ბიზნეს სკოლა ჩვენს ტერიტორიაზე ისე, რომ არც ერთ ლარს არ იხდის და რაღაცა სახით ხელსაც გვიშლან, რადგან ტერიტორია წაიღეს და ჩვენ აკრედიტაციის დროს ეს ფართი არ ჩაგვითვალეს.
პროფ. ქეთი ქოქრაშვილი - კავკასიის უნივერსიტეტის ფართი წინა აკრედიტაციის დროს ჩაეთვალა ტექნიკურ უნივერსიტეტს, რადგან ამ უნივერსიტეტის დამთავრებულები იღებდნენ ტექნიკური უნივერსიტეტის დიპლომს. შემდეგ სხდომაზე აღნიშნულთან დაკავშირებით სრულ ინფორმაციას მოგაწვდით.
პროფ. ეკატერინე თევზაძე - გადავიდეთ შემდეგ საკითხზე (სტუ-ს წესდების დამტკიცება). სიტყვით ვთხოვ პროფესორ ირაკლი ზედგენიძეს.
პროფ. ირაკლი ზედგენიძე - ჩვენ დღეს უნდა განვიხილოთ და დავამტკიცოთ სტუ-ს წესდება.Gგანვიხილოთ თითოეული მუხლი ცალ-ცალკე და თავების მიხედვით ვუყაროთ კენჭი.
პირველ თავში შენიშვნები არ არსებობდა და მიღებულ იქნა ერთხმად (¹7 სხდომის გადაწყვეტილება ¹3).
პროფ. ნოდარ ქაჯაია - მე-4 მუხლის 2.1 პუნქტში წერია: ბუნებრივი გარემოს დაცვასა და გონივრულ გამოყენებას.Uუნდა იყოს: ბუნებრივი გარემოს და რესურსების დაცვასა და გონივრულ გამოყენებას.
მეორე თავი მიღებულ იქნა ერთხმად პროფ. ნოდარ ქაჯაიას მიერ გამოთქმული შენიშვნის გათვალისწინებით
პროფ. ლადო ხოჭოლავა - მე-12 მუხლის მე-2 პუნქტში წერია, რომ აკადემიურ საბჭოში აირჩევა პროფესორი, გარდა ასისტენტ-პროფესორისა, ადრე ასე არ იყო.
პროფ. ირაკლი ზედგენიძე - ადრე განათლების კანონში ასე იყო, ეხლა შევიდა შესწორება.
პროფ. ლადო ხოჭოლავა - მე-12 მუხლის მე-8 პუნქტის მიხედვით, აკადემიური საბჭოს წევრის უფლებამოსილების ვადამდე შეწყვეტის შემთხვევაში აკადემიური საბჭოს უფლებამოსილების ვადით ხდება მისი ახალი წევრის არჩევა. რამდენად მართებულად მიგაჩნიათ ეს?
მე-16 მუხლის I პუნქტი – თუ სპიკერი არ არის მაშინ?
მე-17 მუხლის ,,ლ” და ,,მ” პუნქტები - რამდენად გამართულია?
ვინ ამტკიცებს საარჩევნო კომისიის ხელფასებს?
ვინ ამტკიცებს ადმინისტრაციის ხელფასებს?
22-ე მუხლის ,,ე” პუნქტი ჯობია ჩამოყალიბდეს ასეთი ფორმულირებით: ამზადებს უნივერსიტეტის ბიუჯეტის ნაერთ პროექტს აკადემიურ საბჭოსთან შეთანხმების შემდეგ და დასამტკიცებლად წარუდგენს წარმომადგენლობით საბჭოს.
პროფ. ეკატერინე თევზაძე - საარჩევნო კომისიას ხელფასი არა აქვს. ადმინისტრაციის ხელფასებს ჩვენ ვამტკიცებთ.
III თავი მიღებულ იქნა ერთხმად
IV თავში შენიშვნები არ არსებობდა და მიღებულ იქნა ერთხმად
პროფ. აგული სოხაძე - 37-ე მუხლი ,,ე” პუნქტში მივუთითოთ, რომ საუბარია პენსიაზე გასვლაზე 2009 წლიდან.
პროფ. ლადო ხოჭოლავა - პენსიაზე გასვლა არ ნიშნავს თანამდებობიდან გათავისუფლებას, თუ მე ვარ 40 წლის სამხედროMმოსამსახურე, მაქვს პენსია და მინდა პედაგოგად მუშაობა არ მაქვს უფლება?
პროფ. ნოდარ ქაჯაია - 38-ე მუხლში ნახსენებია ემერიტუსი, ეს კარგია, მაგრამ თუ მოხდება დევალვაცია? ჩავწეროთ ინდექსაციის შესახებ ანუ თუ მოხდება 15%-იანი დევალვაცია, ხელფასებს გადეხედოს.
პროფ. აგული სოხაძე - წინა სხდომაზე იყო მოხსენებული, რომ იქმნება ემერიტუსის ფონდი და იქ შევა შემოსული თანხები, გაზრდა ხელფასის არ შეიძლება?
პროფ. დავით ქაფარიძე - ინდექსაცია საქართველოში არ არსებობს, ისე რომ სურვილი კარგია, მაგრამ არ ხერხდება.
პროფ. არჩილ ფრანგიშვილი - მე-40 მუხლის მე-7 პუნქტში წერია «შესაბამისი კვალიფიკაციის მქონე სპეციალისტი», უმჯობესია იყოს «შესაბამისი კვალიფიკაციის მქონე პიროვნება».
V თავი მიღებულ იქნა ხმათა უმრავლესობით (წინააღმდეგი - 3, თავი შეიკავა - 1).
პროფ. ჯემალ ბერიძე - 43-ე მუხლის ,,ნ” პუნქტი. როგორ მოვაგვაროთ პრობლემები?
პროფ. მანანა მოისწრაფიშვილი _ სილაბუსი უნდა ნახონ სტუდენტმა და თვითონ უნდა მოერგოს ამ პროგრამას.
VI თავი მიღებულ იქნა ხმათა უმრავლესობით (წინააღმდეგი - 3), (¹7 სხდომის გადაწყვეტილება ¹8).
VII, VIII, IX, X, XI თავებში შენიშვნები არ არსებობდა და მიღებულ იქნა ერთხმად (¹7 სხდომის გადაწყვეტილება ¹9).
პროფ. ჯემალ ბერიძე - აკადემიური საბჭოს ნაცვლად უნდა იყოს წარმომადგენლობითი საბჭო.
XII, XIII თავები მიღებულ იქნა ერთხმად.
პროფ. ირაკლი ზედგენიძე - გარდა ამ შენიშვნებისა იყო კიდევ შენიშვნები, რომელთა დაფიქსირება წესდებით ვეღარ მოესწრო (იხ დანართი).
პროფ. ეკატერინე თევზაძე - გთხოვთ, მთლიანად ვუყაროთ კენჭი სტუ-ს წესდებას, იმ შენიშვნებით რაც შეტანილი იქნა დღეს ჩვენს მიერ.
საბჭომ ერთხმად დაამტკიცა სტუ-ს წესდება მიღებული შენიშვნებით (¹7 სხდომის გადაწყვეტილება ¹2).
სხდომის ბოლოს სიტყვით გამოვიდა წარმომადგენლობითი საბჭოს რამდენიმე წევრი:
პროფ. ვალიდა სესაძე - ღეს 3 საათზე იმუშავებს სოციალურ საკითხთა კომისია. მოვიწვიეთ სადაზღვეო კომპანია ,,ალდაგის” წარმომადგენელი და ვისაც სურვილი გაქვთ მობრძანდით.
პროფ. გივი გოლეთიანი - წარმომადგენლობითი საბჭოს წევრებს არ გვაქვს მუშაობის ელემენტალური პირობები.Aარ გვაქვს კომისიებისთვის სამუშაო ოთახი და საჭირო ავეჯი, გთხოვთ გაითვალისწინოთ და მიიღოთ შესაბამისი ზომები.
პროფ. ქეთი ქოქრაშვილი - მე დღესვე გავცემ განკარგულებას, რომ გამოეყოს წარმომადგენლობით საბჭოს ოთახი.
პროფ. ეკატერინე თევზაძემ წარმომადგენლობითი საბჭოს წევრებს აუწყა, რომ დღის წესრიგით გათვალისწინებული საკითხები ამოიწურა, საბჭოს წევრებს მადლობა გადაუხადა სხდომაში მონაწილეობისათვის და სხდომა დახურულად გამოაცხადა.
წარმომადგენლობითი საბჭოს
სპიკერი, პროფესორი /ეკატერინე თევზაძე/
საბჭოს მდივანი,
სოცირებული პროფესორი /გინა გურეშეძე/
| 
